Eolas faoin Ghailearaí

I mí Bealtaine 2013, bhí mé ag bogadh thart arís agus mé ag obair i spásanna éagsúla mar an Filmbase agus Amharclann Smock Alley ach bhí mé fós ag lorg ionad buan.

I mí Eanáir 2014, cheap mé go raibh mo cheanncheathrú aimsithe agam faoi dheiridh ag 5 Rae Cavendish (i gCearnóg Pharnell, os comhair Amharclann an Gheata) ach fairíor, díoladh an foirgneamh sin freisin agus bhí orm bogadh arís. Ach anois tá gailearaí álainn faighte againn ag 3 Sráid Mhór na Danmhairge, díreach os comhair Ostán an Belvedere. Tá an-áthas orm a bheith ag fanacht sa cheantar stairiúl seo.

Leanfaidh mé liom ag eagrú taispeántais ealaíne comhaimseartha in ionaid éagsúla i mBaile Átha Cliath agus ar fud na tíre as seo amach ach anois, ós rud é go bhfuil oifig agus gailearaí fairsing (50 méadar cearnaithe) agam i lár na cathrach, is féidir leat teacht agus saothar ár n-ealaíontóirí a fheiscint gan stró – i dtímpeallacht níos cúlráidí, i gcroí lár Cheathrú Chultúrtha Chearnóg Pharnell. Tá Gailearaí Cathrach an Hugh Lane, Músaem na Scríobhnóirí, Ionad James Joyce agus ar ndóigh, ár gcomharsa béal dorais, Amharclann O'Reilly i gColáiste Belvedere, lonnaithe san Cheathrú céanna ag barr Shráid Uí Chonaill. 

Beidh mé ag tnúth le fáilte chroíúil a chur romhat sa Ghailearaí go luath. Ná déan dearmad súil a choimeád ar “News” agus ar “Exhibitions”, le fáil amach faoin nuacht is déanaí, faoi imeachtaí spéisiúla, nó faoi taispeántais reatha agus taispeántais atá le teacht. 

Beir Beannacht agus Bua,

Olivier                                                                                                                    

                                                                                                  Aistrithe go Gaeilge agEoin Mac Lochlainn